Dans help leerders om hul ritme, selfvertroue en kreatiwiteit uit te druk in 'n energieke en prettige omgewing.

Leerders kry die kans om hul sangtalent te ontwikkel, in harmonie te sing en deel te neem aan verskeie optredes en kompetisies.

Ons skoolkonsert is ’n prettige en opwindende geleentheid waaraan alle leerders aangemoedig word om deel te neem. Elke graad werk saam om een of twee items op te voer, wat massadeelname bevorder en spanwerk aanmoedig. Dit is 'n prettige manier vir kinders om hul selfvertroue en kreatiwiteit te wys op die verhoog.

Kunsklasse moedig kreatiewe denke aan en laat kinders toe om hulself visueel uit te druk deur verskeie mediums.

Leerders neem deel aan kunsfeeste waar hul kreatiewe werk en talent op groter platforms erken en gevier word.

‘n Ruimte waar leerders hul liefde vir musiek kan ontdek en ontwikkel deur instrumente te speel, ritmes te verken en kreatief te eksperimenteer.

Help leerders om hul redenaarsvaardighede, logiese denke en selfvertroue te slyp terwyl hulle deelneem aan stimulerende besprekings en kompetisies.

Handhaaf bied deur die jaar die Handhaaf waardes program aan om ons leerders bewus te maak en op te voed oor die belangrike gewoontes wat elke leerder moet kweek.

Die waardes sluit die volgende in:
Netheid, Hulpvaardigheid, Goeie maats, Eerlikheid, Omgee, Goeie maniere, Die Handhaafmanier (Skooltrots)